晴天行動

作者：晴

星期六，煩囂的深水埗，街道上有無盡款式的攤檔和地檔，攤販叫著價錢擺地攤。十多個頸上掛著警員証的便衣探員在街上執行任務，追捕通輯犯，在隧道跳級、跨欄、奔跑。

路人愕然、敏捷迴避，問：「發生什麼事？」
原來是拍電視劇。
真行人和店舖有人講：
「邊個邊個嚟㗎？」
「原來係陳X樂。」
「跑還跑小心唔好撞爛我D野！」

到了集合地點，劇組和帶隊安排每個同事角色。當聽到「試機」一聲，飾演便衣的臨時演員我，便在街道上跑，接著跑入行人隧道。這時演路人的都要避開以免受傷，真推銷寬頻的職員也立即彈開 。「路人」聽從指示，懂得給反應，和留意路面行駛情況 。

街坊街里聽到有戲拍可以睇，都不捨得走，我心裡想：「做圍觀者，哈哈！」有真途人和寬頻擺檔的人亦都會執生幫手讓步， 但亦都有店舖不滿 ，事關阻礙佢地做生意，劇組出來調停，透過用不同位置不同角度機位拍攝以解決店舖疑慮。

我將收音咪綁在腰上，小心翼翼怕收音咪會在跑步期間跌出來。聽到「Action！」，就心裡想，雖然拍戲，但我要將疑犯緝拿歸案，一日未落案，未定罪，都要搞清楚成件事的來龍去脈。

Set好不同長短腳架，正式拍攝。我和其他臨時演員跑上跑落、入隧道，從不同角度跑，喘氣，抖完氣再跨欄。

導演安排我也試試跨欄：「跨欄唔好用雙手，要單手，出街時會好睇好多。」可是我並非身手敏捷之人，最後還是用了雙手。劇集播了出街沒有我跨欄一鏡，只得追捕片段，我亦都開心。事關不好的，剪接刪除。

拍戲就可以飾演不同角色，放工後就抽離。

人情味就是當您拍攝完畢，坐在尾板車上休息等出糧時，店舖老闆送上飲品和小食，感受到家庭溫暖。

$150，四小時。

究竟人生有幾多真有幾多假？

（註：這是2017年的事了。）

作者：晴 星期六，煩囂的深水埗，街道上有無盡款式的攤檔和地檔，攤販叫著價錢擺地攤。十多個頸上掛著警員証的便衣探…