利是

陳皮婆好神氣：「每年俾封大利是班友仔, 派飯、沖涼各樣嘢我先。」

巫師

桃花紅 揮春紅 全盒紅
老友記 姑娘們化身利是封
獅子頭靜默在廚櫃內 老友記 發夢中

「陳婆婆, 恭喜發財~身體健康！多謝」
「王生王太嚟探爸爸, 佢今日胃口好好…多謝, 今年賺多啲！」
「魯小姐新年快樂~」

午飯, 姑娘談笑戰利品
蘭姐拆利是笑說
「今年王伯一家好豪, 俾咗兩封一佰蚊利是…」
銀姑不悅回應
「魯老太嗰家人, 每年都唔畀利是, 服務上要求多多。」
肥姑取出利是内三張紅衫魚大喜
「陳婆婆每年俾我哋大利是每人都有三佰蚊, 呢位係我哋超級vip唔可以得罪㗎。」
銀姑無奈
「柴伯一家多年都冇嚟, 連利是或禮物都冇到。」
環姐微笑
「無論利是有或無, 都係新年喜事。」

王蛋伯, 魯肉婆, 陳皮婆等人談天
「今年我大仔賺到錢, 俾多少少錢給全院職員開心吓。」
「我嗰新抱話唔會俾利是, 身為公務員唔可以行賄。」
陳皮婆好神氣
「每年俾封大利是班友仔, 派飯、沖涼各樣嘢我先。」
王蛋伯嘆氣
「好似柴犬伯咁, 長年都被人放喺最後, 又唔出聲要求。」
陳皮婆不肖
「肥姑平日對我們態度好差, 一到過時過節前後態度180度變。」

「各位公公婆婆, 今天有社區中心義工來和大家拜年…」

PS：
1) 政府津助院舍的待遇是比私營安老院會好, 護理員工作週數是每週44-48小時；放銀行假期和大假大多是10天開始計起。薪金方面接近17000元當中包括當值夜間等津貼。私營安老院舍護理員大多數每週72小時, 放勞工假期, 大假方面只有7天；薪酬大約15000元左右。沒有任何津貼, 就算有, 最多是每月勤工獎或少許交津。

2）在中式大節日如中秋節或農曆新年, 津助院舍不能收利是, 原因是防止不平等對待老友記或小朋友。多數院友的家人會寫上心意咭表達, 或贈送禮物給院舍老友記或小朋友等。買位院舍或私營院舍會容許員工收取利是, 就算送禮物都視而不見；甚至主管或經營者都會收一份, 這情況是見怪不怪, 很少監管。

陳皮婆好神氣：「每年俾封大利是班友仔, 派飯、沖涼各樣嘢我先。」 巫師 桃花紅 揮春紅 全盒紅老友記 姑娘們化…